Jura'at-e-Rindana By Aamna Mufti
Prof. Muhammad Akbar Qureshi
Pichlay 2, 3 ash'ron ka Pakistan, jis main Ma'aashi aur Sama'ji tabdili'on ki lehrain insaanon ko kabhi des se pardes main, aur kbhi pardes se des main
la phenk'ti hain. "Jurrat e Rindana" inhi lehron ki kasha'kash main jeenay walay Noujawan, Udhair aur Umar Raseeda afraad ki kahani hai.
Jin main se baaz himat haar gaye aur baaz n apni tamaam nakamion, mehrumion, aur hasraton k bawujood, is mitti se bicharna gawara nhn kiya, jis se un
ka khameer utha tha. Dehi araazi ka malik, jo Polio ki waja se langra k chalta hai, Munir ki khoobro behan Shehla, jo zaheen aur hunar'mand hai, dono apnay
liye karray waqt main aisay faislay kartay hain jo jurrat mandana hain aur wujoodi andaz rakhtay hain, Novel ka aik kirdar khud se
kehta hai, "ab Zarb-e-Kaleem nahin chahiye, ab Jurrat e Rindana darkaar hai. Yahan jeenay k liye, is sar zameen pe survive karnay k liye."
Datay rehnay ki yehi kefiyat is novel main rachi basi hai.
Aamna Mufti ka ye pehla novel, jis ki saaf suthri nasar mushahiday ki bareeki aur tanz ki zereen lehar muta'sir kun hai, yaqeen dilata hai k un ki takhleeqi pukhagi ayenda bhi Urdu fiction ki sarwat main izafa karti rahay gi.
Download
